(რეზონანსი) „ბიბისის" ცნობით, პაკისტანში საწვავი ტანკერის აფეთქების შედეგად დაღუპულთა რიცხვმა 157-ს მიაღწია. ექიმების ცნობით, კიდევ 50 ადამიანი მძიმე მდგომარეობაშია.

აფეთქება პაკისტანის პროვინცია პენჯაბში მოხდა. ადგილობრივები საწვავის მოსაგროვებლად შეიკრიბნენ, რომელიც მაგისტრალზე გადაყირავებული ცისტერნიდან იღვრებოდა. თვითმხილველთა ცნობით, ზოგი იქვე სიგარეტს ეწეოდა, რამაც ხანძარი,- მოგვიანებით კი აფეთქება გამოიწვია.

პოლიციელების ცნობით, ზოგიერთი გარდაცვლილის ამოცნობა შეუძლებელია. მათ სხეულის 80 პროცენტი დამწვარი აქვთ და საჭიროა გენეტიკური ექსპერტიზა.