(რეზონანსი) ღვინის ეროვნული სააგენტოს ცნობით, კრაკოვის (პოლონეთი) ღვინის საერთაშორისო კონკურსში - „GALICJA VITIS 2017" - ქართული ღვინის კომპანიამ, "ქისი 2015" (თეთრი მშრალი) და "მუკუზანი 2015" (წითელი მშრალი) ოქროს მედლები მოიპოვა. კონკურსზე 6 ქვეყნის 25-მა ექსპერტმა სხვადასხვა ქვეყნის 434 ღვინო შეაფასა.

კონკურსი ვაზისა და ღვინის საერთაშორისო ორგანიზაციის ეგიდით იმართება. ორგანიზატორია პოლონეთის მევენახეობა-მეღვინეობის განვითარების ფონდი.

კონკურსის ჟიურიში საქართველო პირველად იყო წარმოდგენილი - ღვინის ეროვნული სააგენტოს მარკეტინგისა და საზოგადოებასთან ურთიერთობის დეპარტამენტის უფროსის მოადგილე თამთა ყველაიძე.