(რეზონანსი) პალიასტომის ტბაზე მეთევზეებმა საპროტესტო აქცია გამართეს. ისინი არსებულ აკრძალვებს აპროტესტებენ. მეთევზეების თქმით, დაწესებული შეზღუდვების გამო თევზჭერას, პრაქტიკულად, ვერ ახორციელებენ.

აქციის მონაწილეებს დღეს ადგილობრივი ხელისუფლების წარმომადგენლები შეხვდნენ და მათ პრობლემის მოგვარებას დაჰპირდნენ.

პალიასტომის ტბა კოლხეთის დაცულ ტერიტორიაში შედის და შეზღუდვების მოხსნას საკანონმდებლო ცვლილება სჭირდება. მეთევზეები პრობლემის მოუგვარებელობის შემთვევაში მუდმივი აქციებით იმუქრებიან.