(რეზონანსი) საქართველოს პირველმა ჩოგანმა ნიკოლოზ ბასილაშვილმა ანტალიის ღია პირველობაზე წარუმატებლად იასპარეზა.

ჩემპიონატის საპრიზო ფონდი 440 ათასი ამერიკული დოლარი იყო.

პირველ წრეში ბასილაშვილი 32 წლის მარკოს ბაღდატისთან ორ სეტში დამარცხდა - 2:6, 1:6.

მარკოს ბაღდატის 17 იანვრის შემდეგ მოგება არ ჰქონია, დღევანდელი თამაშის შედეგებით კი მან ერთეულებში 8-მატჩიანი წაგებათა სერია შეწყვიტა.

ნიკოლოზ ბასილაშვილი რეიტინგში 866 ქულით ამჟამად 51-ე ადგილს იკავებს, ეს ქართველი ჩოგბურთელის კარიერის საუკეთესო მაჩვენებელია.