(რეზონანსი) საგარეო საქმეთა სამინისტროს ცნობით, საქართველოში იაპონიის ელჩის რეზიდენციაში, ქართველი პრიმაბალერინას, ნინო ანანიაშვილის იაპონიის იმპერატორის ლენტით დამშვენებული "ამომავალი მზისა და ოქროს სხივების" ორდენით დაჯილდოების ცერემონია გაიმართა.

იმპერატორის ჯილდო ქართველ ბალერინას იაპონური საბალეტო საზოგადოების განვითარებაში შეტანილი მნიშვნელოვანი წვლილისთვის, იაპონიის მთავრობის გადაწყვეტილებით მიენიჭა.

ლენტით დამშვენებული "ამომავალი მზისა და ოქროს სხივების" ორდენი ქართველ პრიმას პირადად გადასცა იაპონიის საგარეო საქმეთა საპარლამენტო ვიცემინისტრმა.