(რეზონანსი) საქართველოდან ევროპის ქვეყნების მიმართულებით ვიზალიბერალიზაციის მიღების შემდეგ მგზავრთა ნაკადი გაიზარდა. ტურისტული კომპანიები აღნიშნავენ, რომ ეს მაჩვენებელი შარშანდელთან შედარებით საკმაოდ გაზრდილია. ტუროპერატორები კი პაკეტების გაძვირებაზეც საუბრობენ. შარშანდელთან შედარებით სხვაობა დაახლოებით 20%-ის ფარგლებშია.

სხვადსხვა ტურისტულ კომპანიებში ადასტურებენ, რომ ბილეთის ღირებულებისა და ტურისტების ნაკადის ზრდა თვალში საცემია. მათი ინფორმაციით, ტურისტების რიცხვი 70%-ით გაიზარდა, ზაფხულის ტურები თითქმის გაყიდულია.

ტურიზმის სფეროს სპეციალისტი მანანა ალადაშვილი ქვეყნიდან ვიზალიბერალიზაციის ფარგლებში გამსვლელთა რაოდენობასთან დაკავშირებით, ოფიციალური მონაცემების მოშველიებით საუბრობს. მისი ინფორმაციით, ევროპაში წამსვლელთა რაოდენობამ 11%-ით იმატა. ალადაშვილის ამ ტენდენციას მოსალოდნელსა და რეალურს უწოდებს.