(რეზონანსი) ბოლო ერთი კვირის განმავლობაში ბულვარში მოძრაობის წესების დარღვევის გამო 7 ადამიანი 20-20 ლარით დაჯარიმდა. აღნიშნული პირები ბილიკის მიღმა ველოსიპედებით გადაადგილდებოდნენ. ინფორმაციას „ბათუმელები" ავრცელებს

„ველოსიპედით, მოტოციკლით, კვადროციკლით ან სხვა მსგავსი ტიპის მოძრავი საშუალებებით გადაადგილება ველობილიკის მიღმა, გამოიწვევს პირის გაფრთხილებას ან დაჯარიმებას 20 ლარით. იგივე ქმედება ჩადენილი განმეორებით წლის განმავლობაში, გამოიწვევს დაჯარიმებას 50 ლარით", - განაცხადეს ბათუმის ბულვარის ადმინისტრაციაში.