(რეზონანსი) უკრაინის პროკურატურაში აცხადებენ, რომ საქართველოს ექსპრეზიდენტის, მიხეილ სააკაშვილის ექსტრადაცია ჯერჯერობით არ შეიძლება. ამის შესახებ უკრაინის გენერალური პროკურორის მოადგილემ ევენი ენინმა ჟურნალისტებთან საუბრისას განაცხადა:

"ამ ეტაპზე სააკაშვილი უკრაინის მოქალაქედ ითვლება და მისი საქართველოსთვის გადმოცემა ჯერ არ შეიძლება. ჩვენ მჭიდროდ ვთანამშრომლობთ ჩვენს ქართველ კოლეგებთან და მომავალში რა იქნება ამას დრო გვიჩვენებს" - განაცხადა ენინმა.

ჟურნალისტების კითხვაზე, ეწვევა თუ არა პეტრო პოროშენკო საქართველოს ენინმა განაცხადა, რომ ის არ არის საქმის კურსში და არ ფლობს ინფორმაციას აღნიშნულთან დაკავშირებით.

სააკაშვილი საქართველოს პრეზიდენტი 2004-07 წლებში იყო. 2013 წელს დატოვა ქვეყანა და გადავიდა საცხოვრებლად ამერიკაში, შემდეგ უკრაინაში. 2014 წელს ექპრეზიდენტი რამდენიმე დანაშაულებრივი საქმის ორგანიზებაში დაადანაშაულეს.