(რეზონანსი) დაბა ჩაქვში, ზღვაში 17 წლის მოზარდი დაიხრჩო. შემთხვევა მდინარე ჩაქვისწყლისა და ზღვის შესართავთან მოხდა. არსებული ინფორმაციით, წყალში და-ძმა, 8 წლის ბიჭი და 17 წლის გოგო შევიდნენ. მოზარდები დინებამ წაიღო.

სამაშველო სამსახურის ინფორმაციით, შემთხვევის დროს მაშველები ახლოს იყვნენ და ადგილზე მალევე მივიდნენ, თუმცა მათ მხოლოდ 8 წლის ბიჭის გადარჩენა მოახერხეს.

17 წლის გოგოს ცხედარი ზღვიდან მყვინთავებმა ამოიყვანეს. ის პროზექტურაშია გადასვენებული.