(რეზონანსი) გარემოს დაცვის ინსპექციამ 2017 წლის 1 აპრილიდან 30 ივნისის ჩათვლით, ნარჩენების მართვის კოდექსის დარღვევის 779 ფაქტი გამოავლინა. გარემოსა დაცვის სამინისტროს ინფორმაციით, ყველაზე ხშირად ავტომანქანიდან საყოფაცხოვრებო ნარჩენის გადმოგდების ფაქტები დაფიქსირდა.

„ყველაზე მეტი - 165 სამართალდარღვევა თბილისის მასშტაბით გამოვლინდა; სამეგრელო-ზემო სვანეთის რეგიონში დაიწერა 143 ოქმი; ქვემო ქართლის რეგიონში - 136. აღმოსავლეთის რეგიონულმა სამმართველომ გამოავლინა სამართალდარღვევის 104 შემთხვევა; დასავლეთის რეგიონულმა სამმართველომ -96, აჭარაში გამოვლინდა სამართალდარღვევის 77 ფაქტი; სამცხე-ჯავახეთის სამმართველომ კი 31 ფაქტი დააფიქსირა, კახეთის სამმართველომ - 27 სამართალდარღვევა აღრიცხა" , - აღნიშნულია გარემოს დაცვის სამინისტროს მიერ გავრცელებულ ინფორმაციაში.