(რეზონანსი) თბილისის მერიის ინფორმაციით, მოსახლეობასთან შეთანხმებით, გლდანში უკანონო ავტოფარეხების დემონტაჟი იწყება.გლდანის მე-7 მ/რ-ის,23-ე კორპუსის მიმდებარე ტერიტორიაზე, სარეკრეაციო ზონაში უკანონოდ აშენებული ავტოფარეხები დაანგრიეს.

„ტერიტორიაზე სკვერი და პარკირების ადგილები მოეწყობა. აღნიშნულ მისამართზე ინფრასტრუქტურული სამუშაოებიც მიმდინარეობს. მოეწყობა წყალარინების ქსელი და დაიგება ასფალტის ახალი საფარი" , - აღნიშნულია თბილისის მერიის მიერ გავრცელებულ ინფორმაციაში.