(რეზონანსი) პირველი ქართული კარტოფილი „ფრი" - „ფრეკო" ბაზარზე რამდენიმე თვის წინ გამოჩნდა და იმპორტული პროდუქციის ჩანაცვლება სურდა. კომპანიის ხელმძღვანელი ირაკლი ქურდაძე „ტვ პირველის" ეთერში აცხადებს, რომ მუშაობის პირველივე თვეებში მოთხოვნამ მოლოდინს გადააჭარბა.

„იმაზე მეტი მოთხოვნაა, ვიდრე მიწოდება შეგვიძლია. მაგალითად, მოთხოვნაა 200 ობიექტიდან და შეგვიძლია მივაწოდოთ 60 ობიექტს. ვაპირებთ საწყობის მშენებლობას, რომელიც სექტემბრისთვის მზად უნდა იყოს. საწყობი 500 ტონაზე იქნება გათვლილი" , - აცხადებს ირაკლი ქურდაძე.

„ფრეკო" კარტოფილ „ფრის" ახალციხეში აწარმოებს.