(რეზონანსი) ლონდონის ცენტრში, ბრიტანეთის მთავრობის ეკონომიკური პოლიტიკის გასაპროტესტებლად, ათასობით უკმაყოფილო ადამიანი გამოვიდა. აქციაზე გაისმოდა მთავრობის გადადგომის მოწოდებები. დემონსტრანტები სამაუწყებლო კორპორაცია „BBC"-ის შტაბბინასთან შეიკრიბნენ. ამის შემდეგ ისინი პარლამენტის შენობისკენ გაემართნენ.

აქციაში ლეიბორისტული პარტიის ლიდერი, ჯერემი კორბინიც მონაწილეობდა. მან დემონსტრანტებს სიტყვითაც მიმართა.მისი თქმით, მთავრობის პოლიტიკა განსაკუთრებით მკაცრია საზოგადოების ყველაზე ღატაკი ფენების მიმართ.

საპროტესტო აქცია პროფკავშირებმა მოაწყვეს.მიტინგზე „Grenfell Tower"-ის ხანძართან დაკავშირებული საპროტესტო ლოზუნგებიც ისმოდა.

აქციის ორგანიზატორები ამბობენ,რომ მოიწვევენ ყველას, პოლიტიკურ პარტიებს, კერძო კომპანიებს, პროფკავშირებს და ერთად გააპროტესტებენ ბრიტანეთში ჯანდაცვისა და განათლების სისტემას, ასევე სამუშაო ადგილების სიმცირეს.