(რეზონანსი) ბათუმის მოვლენების ორგანიზებაში ბრალდებულმა მერაბ ღოღობერიძემ დღეს პროცესის დაწყებამდე სასამართლო დარბაზში განაცხადა, რომ ბათუმის მერობისთვის იბრძოლებს:

„ექვსი წელიც რომ მომიწიოს ციხეში ჯდომა, მე დავამტიცებ ყველაფერს და ყველა აგებს პასუხს. იყო დრო პრიკურატურას და პოლიციას ვაპატიე. ეს არის პოლიტიკური დაკვეთა. ციხიდან ვაპირებ ვიბრძოლო, ვიყო მერობის კანდიდატი", - განაცხადა მერაბ ღოღობერიძემ.

ღოღობერიძისა და ჩხვირკვიას საქმის განხილვა დღეს დაიწყო. ისინი ბათუმის 11-12 მარტის მოვლენების ორგანიზებისთვის არიან დაკავებულები. დღეს მოწმეების დაკითხვა იგეგმება, სასამართლო საქმის გამომძიებლებს მოუსმენს. ირაკლი ჩკვირკიას ადვოკატის დავით ჩალეიშვილის შეფასებით, დაკავებული თავს უდანაშაულოდ მიიჩნევს და ის ბრძოლას განაგრძობს.