(რეზონანსი) ჩინური კომპანია საქართველოში ნავთობის მოპოვებით დაინტერესდა. პოტენციურმა ინვესტორებმა ნავთობისა და გაზის სახელმწიფო სააგენტოს მიერ გამოცხადებულ ტენდერში მონაწილეობა მიიღეს და დამატებითი დოკუმენტაციის, მათ შორის საბანკო გარანტიების წარდგენის შემთხვევაში, მათთან 25-წლიანი შეთანხმება გაფორმდება.

ნავთობისა და გაზის სახელმწიფოს სააგენტოს ხელმძღვანელის, გოგა ტატიშვილის განმარტებით, ჩინური კომპანიები მუშაობას სამეგრელოში და იმერეთში მდებარე სალიცენზიო ბლოკებზე გეგმავენ. კერძოდ, მე-5 სალიცენზიო ბლოკზე განაცხადები შეტანილი აქვს კონსორციუმს შემადგენლობით "ვესტ გალფ პეტროლიუმის საინჟინრო კომპანია" და „ჩაინა ნიუსთარ ენერჯის".