(რეზონანსი) დღის ბოლოს შავი ზღვის სანაპიროზე შტორმია მოსალოდნელი. ამის შესახებ ინფორმაციას გარემოს ეროვნული სააგენტო ავრცელებს.სინოპტიკოსების პროგნოზით, საღამოს აგრილდება, აჭარაში ძლიერი ქარი, წვიმა და ელჭექი იქნება.

„დღის ბოლოდან შავი ზღვის ჩრდილო-დასავლეთიდან მოსალოდნელია ჰაერის ცივი მასების გავრცელება, რაც ზღვის სანაპირო ზოლში ჰაერის ტემპერატურის მნიშვნელოვან დაკლებას, ქარს, დროგამოშვებით ძლიერს, ზღვაზე შტორმს, ელჭექს და ნალექებს გამოიწვევს" , - ნათქვამია გარემოს ეროვნული სააგენტოს განცხადებაში.

პროგნოზის მიხედვით, 5-დან 8 ივლისის ჩათვლით, ტემპერატურა საქართველოს მთელ ტერიტორიაზე დაიკლებს და აგრილდება.