(რეზონანსი) მეორე დღეა, პირიქითა ხევსურეთში 5 დაკარგულ ტურისტს ეძებენ. ამერიკელი მოგზაურები სამაშველო სამსახურებს გუშინ, დაახლოებით ღამის 10 საათისთვის დაუკავშირდნენ და დახმარება ითხოვეს. თუმცა, მათი პოვნა ამ დრომდე ვერ ხერხდება.

წინასწარი ინფორმაციით, პრობლემები მოგზაურებს ადიდებულმა არღუნმა შეუქმნა. ხევსურეთში მეორე დღეა გადაუღებლად წვიმს, ადიდებულია მდინარეები და ხევები. ამ დროისთვის ჩამოწოლილი მეწყერის გამო, ჩაკეტილია საავტომობილი გზაც. პირიქითა ხევსურეთი გარესამყაროსაა მოწყვეტილი.

ტურისტებს ეძებენ კასპშიც. 4 ტურისტი 5 ივლისს გაუჩინარდა. სამაშველო სამსახური მათ ამ დრომდე უშედეგოდ ეძებს.