თამბაქოს პროდუქციაზე აქციზის მკვეთრ მატებას რეალიზაციის კლება არ გამოუწვევია. მართალია, ძვირი სიგარეტის გაყიდვა საგრძნობლად შემცირდა, მაგრამ, სამაგიეროდ, გაიზარდა იაფფასიანი სიგარეტის მოხმარება. პარალელურად, დიდი სისწრაფით იზრდება კონტრაბანდის მასშტაბი. აქციზის ზრდას სხვა უარყოფითი პროცესებიც მოჰყვა. თამბაქოს ერთბაშად გაძვირებამ (ნავთობპროდუქტებთან ერთად) ინფლაციაზე ნეგატიურად იმოქმედა და თვიდან თვემდე არასასურველი სტატისტიკა უარესდება.