(რეზონანსი) ქალაქ ჰამბურგში, G20-ის სამიტის ფარგლებში, გერმანიის კანცლერის ანგელა მერკელის, საფრანგეთის პრეზიდენტის- მაკრონის და რუსეთის პრეზიდენტის ვლადიმერ პუტინის შეხვედრა დაიწყო.

ადგილობრივი მედიის ცნობით, შეხვედრაზე, რომელიც სამუშაო საუზმის დროს მიმდინარეობს, საერთაშორისო საკითხებთან ერთად უკრაინის საკითხის მოგვარებას განიხილავენ.

ჰამბურგში, G20-ის სამიტის 7 ივლისს გაიხსნა. იმავე დღეს აშშ-ის და რუსეთის პრეზიდენტების პირველი შეხვედრა გაიმართა. შეხვედრა დაახლოებით 2 საათი და 15 წუთს გაგრძელდა. განხილული იყო მრავალი თემა, მათ შორის, სირია უკრაინა, ტერორიზმი და კიბერუსაფრთხოება. აშშ-ის სახელმწიფო მდივნის თქმით, ტრამპმა პუტინს რამდენჯერმე ჰკითხა 2016 წლის ამერიკულ არჩევნებში ჩარევის შესახებ, პუტინი კი ყველაფერს უარყოფდა.