(რეზონანსი) ნაციონალური მოძრაობის წევრებმა აფხაზეთის რეგიონული ორგანიზაცია დააფუძნეს. პარტიაში განაცხადეს, რომ ორგანიზაციის მთავარი მიზანი დევნილთა უფლებებზე მუშაობა, დევნილების უფლებების დაცვა და ქვეყნის ერთიანობისთვის ბრძოლა იქნება.

ორგანიზაციის თავმჯდომარედ ბესო შენგელია დაასახელეს. დღესვე დაფუძნდა ორგანიზაციის პოლიტსაბჭო.

კონფერენციას ესწრებოდნენ პარტიის რეგიონული წარმომადგენლები. მათ სიტყვით მიმართა მიხეილ სააკაშვილმაც, რომელიც კონფერენციაზე სკაიპის საშუალებით ჩაერთო.