(რეზონანსი) ივნისში ამერიკის ეკონომიკაში 222 000 სამუშაო ადგილი შეიქმნა, რაც პროგნოზირებულზე მაღალი მაჩვენებელია. ქვეყანაში უმუშევრობის ინდექსი 4,4%-ია, რაც 2001 წლის შემდეგ ერთ-ერთი ყველაზე დაბალი მაჩვენებელია. ამის შესახებ ინფორმაციას „ბიზნესკონტაქტის" ოფიციალური გვერდი ავრცელებს.

ბოლო წლებში ამერიკის შეერთებულ შტატებში უმუშევრობის მაჩვენებელი ყველაზე მაღალი 2009 წელს, ეკონომიკური კრიზისის შემდეგ იყო და 10%-ს აღემატებოდა.

ივნისში ქვეყანაში ხელფასები 2,5%-ით გაიზარდა. ხოლო იმ ადამიანების რიცხვი,რომლებსაც სრულ განაკვეთზე სურთ მუშაობა 8,6%-მდე გაიზარდა.