(რეზონანსი) ჩეხეთის ავტობანზე 2 გოგონა ფეისბუქ ლაივის დროს ავარიაში მოყვა. უბედური შემთხვევის ამსახველი ვიდეო კი მალევე ინტერნეტში გავრცელდა.

ვიდეოში ჩანს, თუ როგორ საუბრობენ და იცინიან გოგონები ავარიამდე რამდენიმე წამით ადრე. მედიის ცნობით, ავტომობილი საათში 170-180 კმ სიჩქარით გადაადგილდებოდა და ის გზის პირას მდებარე კედელს შეეჯახა.

გოგო, რომელსაც მობილური ეჭირა ადგილზე დაიღუპა, მეორემ კი თავის მძიმე ტრავმა მიიღო. ის ამ დრომდე საავადმყოფოში რჩება. პირდაპირი ეთერი ავარიის შემდეგ კიდევ 20 წუთს გაგრძელდა.