(რეზონანსი) საქართველო-ქუვეითს შორის პირველი პირდაპირი რეისი მიმდინარე წლის 11 ივლისს, თბილისის დროით 16:40 საათზე შესრულდება.

ქუვეითის სახელმწიფო ავიაკომპანია „Kuwait Wataniya Airways" რეგულარულ რეისებს ორ დედაქალაქს შორის, კვირაში სამჯერ: ორშაბათს, სამშაბათსა და პარასკევს საჰაერო ხომალდებით შეასრულებს. შესაბამისი ნებართვა სამოქალაქო ავიაციის სააგენტომ 30 ივნისს გასცა.

ავიაკომპანიის პირველი რეისით თბილისს ეწვევიან "Wataniya Airways"-ის დამფუძნებელი და მფლობელი რაკან ელ ტავაიჯრი და ტურისტული კომპანიებისა და მედია საშუალებების წარმომადგენლების 70-კაციანი დელეგაცია, რომლის შემადგენლობაშიც ასევე არიან ავიაკომპანიისა და სხვა მსხვილი ბიზნესის მმართველები.