(რეზონანსი) 11 ივლისს "პატრიოტთა ალიანსის" წევრები ადა მარშანია, გიორგი ლომია და ნატო ჩხეიძე რუსეთის დუმის დეპუტატებს შეხვდებიან:

"არაფერია დასამალი იმაში, რომ პოლიტიკური დიალოგის დაწყების ინიციატორები ვართ. გვახსოვს პიარაქციები სააკაშვილის დროს. სწორედ ისინი ეწინააღმდეგებიან ქვეყნის გამთლიანებას და არა - ჩვენი პოლიტიკური ინიციატივა, რომ პრობლემები რეალურად გადაწყდეს. ჩვენ არ გვაქვს მოლოდინი, რომ ხვალვე გაერთიანდება საქართველო და ხვალვე დაგვიბრუნდება სოხუმი და ცხინვალი, მაგრამ საუბრის და დიალოგის დაწყებას ალტერნატივა არ აქვს", - განაცხადა პარტიის ლიდერმა ირმა ინაშვილმა.