დედაქალაქის შემდეგ ბაზრობები უკვე რეგიონებშიც იწვის. აქამდე ხანძარი მხოლოდ თბილისს უკავშირდებოდა, მაგრამ ფოთის ბაზრის განადგურებამ ეჭვი ძალიან გაამძაფრა. მოვაჭრეებისა და ჩვეულებრივი მოქალაქეების გარდა, კითხვებს უკვე სახელმწიფო სტრუქტურების წარმომადგენლებიც სვამენ. ფოთის მერ ირაკლი კაკულიას უკვირს, რატომ ჩნდება სავაჭრო ცენტრებში ხანძარი უკვე მთელი საქართველოს მასშტაბით.