(რეზონანსი) „Gangnam Style"-ის კლიპი „YouTube"-ზე ყველაზე პოპულარული აღარ არის. მისი რეკორდი ფილმი „ფორსაჟი 7" -თვის მიძღვნილმა კლიპმა მოხსნა, სიმღერით - „See You Again". ამის შესახებ „BBC"-ი წერს.

სიმღერა „See You Again"-ს რეპერი უიზ კალიფა და მომღერალი ჩარლი პუტი ასრულებენ. ამჟამად მათი კლიპი 2 895 552 454 ადამიანმა ნახა, ხოლო სამხრეთკორეელი მომღერლის, „Psy"-ის ჰიტი 2 894 479 586-ჯერ არის ნანახი.

„See You Again"-ს ნახვების საერთო დრო 21 759 წელიწადს შეადგენს.

რეკორდსმენი სიმღერის კლიპი, „ფორსაჟის" ვარსკვლავს პოლ უოლკერს მიეძღვნა, რომელიც 2013 წელს ავტოკატასტროფაში ტრაგიკულად დაიღუპა, სანამ ფილმის მეშვიდე ნაწილზე მუშაობას დაასრულებდა.

„Gangnam Style" YouTube-ის პირველი ვიდეო იყო, რომელმაც მილიარდ ნახვას მიაღწია და პირველ პოზიციას 4 წელი იკავებდა.

2017 წლის „YouTube"-ის რეიტინგი ნახვების მიხედვით ასეთია:

5. Luis Fonsi ft. Daddy Yankee - „Despacito"

4. Bruno Mars - „Uptown Funk"

3. Justin Bieber -„Sorry"

2. PSY -„ Gangnam Style"

1. Wiz Khalifa ft. Charlie Puth - „See You Again"