(რეზონანსი) ადიდებულმა მდინარე არღუნმა შატილის მიმდებარედ საავტომობილო გზა დააზიანა და დასახლება ამ დროისთვის გარესამყაროსაა მოწყვეტილი. მანამდე, პირიქითა ხევსურეთამდე მისასვლელი გზა დათვისჯვრის უღელტეხილზე ჩამოწოლილმა მეწყერმა ჩაკეტა.

„მოწყვეტილები ვართ ამჟამად, ცუდი სიტუაციაა და რამდენ ხანს გაგრძელდება, არ ვიცით. ფეხით სასიარულოდაც კი ძალიან საშიშია, გზა არ არსებობს. ძალიან შორი გზით უნდა მოუარო. მდინარე ჭამს ნაპირებს და იშლება. შუქი ახლაც არ არის" , - ამბობს შატილის მცხოვრები მაყვალა დაიაური ტელეკომპანია „რუსთავი 2"-თან საუბრისას.