საქართველოს თავდაცვის სამინისტრო ამერიკის შეერთებული შტატებისგან დამატებითი სამხედრო შეიარაღების შეძენას გეგმავს. საუბარია ქართული არმიის შეიარაღებაში არსებული საბჭოური წარმოების ცეცხლსასროლი იარაღისა და ტყვიამფრქვევების დასავლური ანალოგებით ჩანაცვლებაზე. ამ ეტაპზე ქართველ ჯარისკაცებს შეიარაღებაში მეტწილად "აკ" სისტემის ავტომატები და "პკ" ტიპის ტყვიამფრქვევები აქვთ.