(რეზონანსი) თბილისის საქალაქო სასამართლოს მოსამართლემ ხათუნა ხარჩილავამ ელისო კილაძის შვილს, აღკვეთის ღონისძიება პატიმრობა 15 000-ლარიანი გიროთი შეუცვალა და სასამართლო დარბაზიდან გაათავისუფლა. დავით ხარშილაძეს სასამართლოსთვის პირადობის მოწმობის და პასპორტის ჩაბარებაც დაევალა.

დავით ხარშილაძე 13 მარტს, ნარკოტიკის უკანონოდ შეძენა-შენახვისთვის დააკავეს. პროკურატურამ დაკავებისას შინაგან საქმეთა სამინისტროს თანამშრომლების მიერ უფლებამოსილების შესაძლო გადამეტებაზე გამოძიება მარტის ბოლოს დაიწყო.