(რეზონანსი) იმერეთში, ტყიბულის მუნიციპალიტეტში მდებარე კურორტ საწირემდე რკინიგზა მივა. ადგილზე ძველი სადგურის დემონტაჟისა და ახალი სადგურის მოწყობის ტენდერში კომპანია „TG Union"-მა გაიმარჯვა. ტენდერის თანხა 226 300 ლარია. კომპანია ვალდებულია, სამუშაოები ოქტომბერში დაასრულოს.

საწირეში რკინიგზის სადგურის მოწყობა კურორტის განვითარების პროექტის ერთ-ერთი ნაწილია. კურორტ საწირეს განვითარებისთვის სულ 15 მილიონი ლარის მობილიზება იგეგმება. კურორტის განვითარების სტრატეგია ორ ძირითად მიმართულებას მოიცავს - ესაა მყარი ინფრასტრუქტურის უზრუნველფა და მცირე და საშუალო ბიზნესის განვითარება.