(რეზონანსი) „როიტერის" ცნობით, კენიაში, ვიცეპრეზიდენტობის ერთ-ერთმა კანდიდატმა ტელედებატები საკუთარ თავთან გამართა, რადგან მისი კონკურენტები დებატებზე არ მივიდნენ.

სააგენტოს ცნობით, ერთი საათის განმავლობაში ელიუდ მუტიორა კარიარა, ორი მოდერატორის და აუდიტორიის კითხვებს პასუხობდა. მასთან ერთად დებატებში კიდევ 5 კანდიდატს უნდა მიეღო მონაწილეობა, თუმცა კარიარას გარდა არავინ მივიდა. დანარჩენმა კანდიდატებმა ერთობლივი მიმართვა გაავრცელეს, სადაც წერია, რომ ისინი მხოლოდ ისეთ დებატებში მიიღებენ მონაწილეობას, სადაც ყველა კანდიდატი იქნება მიწვეული.