(რეზონანსი) სემეკის გადაწყვეტილებით, თბილისელი მომხმარებლებისთვის გაზის ტარიფი 1 კუბურ მეტრზე თითქმის ნახევარი თეთრით გაიზარდა და 46.153 თეთრი გახდა. სემეკის საზოგადოებასთან ურთიერთობის სამსახურის ცნობით, ახალი ტარიფი ძალაში 20 ივლისიდან შევა და წლის ბოლომდე იმოქმედებს.

ახლანდელი მდგომარეობით თბილისში 1 კუბური მეტრი ბუნებრივი გაზი 45.620 თეთრი ღირს.

სემეკის ცნობით, უწყების მიერ დადგენილი ტარიფი კუბურ მეტრზე 50,620 თეთრი იყო, მაგრამ რეალური ტარიფი, გაზის გამანაწილებელმა კომპანიებმა, გაფორმებული მემორანდუმის საფუძველზე, 5 თეთრით შეამცირეს.

ამდენად, უწყების საზოგადოებასთან ურთიერთობის ცნობით, არ არის გამორიცხული, გამანაწილებელმა კომპანიებმა კოდევ გააფორმონ მემორანდუმი და დაწიონ ტარიფი, თუმცა ეს საკითხი სემეკის კომპეტენციებს სცილდება.