(რეზონანსი) მაშველებმა დღეს ზღვაში დახრჩობისგან 10-მდე ადამიანი გადაარჩინეს, მათ შორის არიან უცხო ქვეყნის მოქალაქეები. ზღვაზე 5-ბალიანი შტორმია დაფიქსირებული.

საგანგებო სიტუაციათა მართვის სააგენტოში აცხადებენ, რომ შტორმის გამო, სანაპიროზე დილიდან წითელი ალმებია აღმართული. უწყების ცნობით, 135 მაშველი, რომლებიც შავი ზღვის სანაპირო ზოლზე უსაფრთხოებას უზრუნველყოფენ, დამსვენებლებს ზღვაში შესვლისგან თავშეკავებისკენ სიტყვიერედაც მოუწოდებენ. თუმცა მაშველების რჩევას დამსვენებლები არ ითვალისწინებენ.