(რეზონანსი) „ალ ჯაზირა" -ს ცნობით ისრაელის პოლიციამ 50-წლამდე კაცებს ალ-აქსას მეჩეთში პარასკევის ლოცვაზე შესვლა აუკრძალა.

პოლიციის ინფორმაციით,, 50 წელს გადაცილებული მუსილიმი კაცები და ნებისმიერი ასაკის ქალები მეჩეთში შესვლას თავისუფლად შეძლებენ. ქალაქის არაბულ უბანში პოლიციის დამატებითი ძალები პატრულირებენ. უსაფრთხოებას 3 000-მდე სამართალდამცველი და მესაზღვრე იცავს.

მორწმუნეები მეჩეთში შესვლამდე შემოწმების ახალი წესებით უკმაყოფილოები არიან. კერძოდ, ალ-აქსას მეჩეთში შესვლამდე მომლოცვლებს მეტალო დეტექტორით ამოწმებენ, პროცესი კი კამერებით ფიქსირდება.

პილიგრიმებს ალ-აქსას მეჩეთში შესვლის უფლება 17 ივლისიდან მისცეს. 14 ივლისს აღნიშნულ ტერიტორიაზე 3-მა შეიარღებულმა პალესტინელმა ცეცხლი გახსნა, რის შედეგადაც 2 სამართალდამცველი დაიღუპა.