(რეზონანსი) პრემიერ გიორგი კვირიკაშვილის თქმით, ლიკანის პარკს ეროვნული მნიშვნელობის კატეგორია მიენიჭება. როგორც კვირიკაშვილმა დღეს მთავრობის სხდომაზე განაცხადა, ეს იმას ნიშნავს, რომ პარკში მდებარე კომპლექსებს რეაბილიტაცია ჩაუტარდება.

"ჩვენი ქვეყნის წარმოსაჩენად ლიკანი იქნება ერთ-ერთი ულამაზესი ტურისტული მიმართულება. ამისთვის უკვე გაკეთებულია ბევრი რამ, თუმცა ეროვნული მნიშვნელობის კატეგორიაში გადაყვანით გავამყარებთ პარკის სტატუსს",- განაცხადა პრემიერმა.