(რეზონანსი) გამოცდების ეროვნული ცენტრის ხელმძღვანელის, მაია მიმინოშვილის განცხადებით, ერთიან ეროვნულ გამოცდებში მინიმალური კომპეტენციის ზღვარი აბიტურიენტთა 15%-მა ვერ გადალახა. როგორც მიმინოშვილი ამბობს, 2016 წლის ეროვნულ გამოცდებზეც მსგავსი შედეგი დაფიქსირდა.

აბიტურიენტებს საკუთარი ნაშრომების ნახვის შემდეგ, შედეგების აპელაციისთვის 5-დღიანი ვადა ექნებათ. ეროვნული გამოცდების შედეგების გამოქვეყნება დღეს 12 საათზე ზოგადი უნარების შედეგებით დაიწყება.

ერთიანი ეროვნული გამოცდები 3 ივლისს დაიწყო და 26 ივლისს დასრულდა. საქართველოს მასშტაბით, სულ 22 საგამოცდო ცენტრი იყო გახსნილი. ერთიან ეროვნულ გამოცდებში 39 000-მდე აბიტურიენტი მონაწილეობდა.