(რეზონანსი) რუსეთის დაზვერვის სამსახურის თანამშრომლებმა მაკრონის საარჩევნო შტაბის თვალთვალისთვის, ყალბი „facebook"-ის გვერდები გამოიყენეს. „როიტერსის" ინფორმაციით, რუსმა აგენტებმა დაახლოებით 20 ყალბი „ექაუნთი" შექმნეს, რომ წლის დასაწყისში, მაკრონის წინასაარჩევნო კამპანიას დაკვირვებოდნენ.

ყალბი პროფაილ ანგარიშები თითქოს მაკრონის „მეგობრების მეგობრები" იყვნენ. აპრილში „facebook"-მა გაატარა აქცია ყალბი „ექაუნთების" აღმოსაჩენად,რომლებიც საფრანგეთის საპრეზიდენტო არჩევნების შესახებ დეზინფორმაციას ავრცელებდა. რუსეთი საფრანგეთის არჩევნებში ჩარევის ფაქტს უარყოფს.

2017 წლის მაისში, ამერიკის დაზვერვის სამსახურის თანამშრომლებმა „როიტერს" მიაწოდეს ინფორმაცია,რომ რუსული მხარე აშშ-ის საპრეზიდენტო არჩევნებში ერეოდა. თუმცა, მათ მტკიცებულებები ვერ წარადგინეს.