(რეზონანსი) სტამბოლში ასეულობით ქალი საპროტესტო აქციაზე გამოვიდა და ძალადობა და ჩაცმულობის შეზღუდვა გააპროტესტა. ამის შესახებ სააგენტო „Reuters"-ი იუწყება. მარშის სახელწოდება იყო „ხელს ნუ მიშლით ჩაცმაში".

აქციის მონაწილეებს ხელში ჯინსის მოკლე შარვლები ეჭირათ. ასეთი ჩაცმულობა ბოლო პერიოდში თურქეთში მიუღებლად მიიჩნევა. ივნისში, ქალაქის ერთ-ერთ ავტობუსში კაცმა ქალი იმის გამო სცემა, რომ მას მუსლიმებისთვის წმინდა რამადანის თვეში „შეუფერებლად" ეცვა.

2016 წლის სექტემბერში, სოციოლოგიური ცენტრის, „Pew Research Center"-ის ექსპერტებმა გამოაქვეყნეს კვლევა, რომლის მიხედვითაც ბევრი ისლამური ქვეყნის მამრობითი სქესის მოსახლეობა საკმაოდ ნორმალურად აღიქვამს ქალის თანამედროვე ჩაცმულობას. ამ კვლევაში თურქი კაცების ნახევარმა განაცხადა, რომ ქალებს შეუძლიათ ისე ჩაიცვან, როგორც უნდათ.