(რეზონანსი) რუსეთის ფედერაციის პრეზიდენტი, ვლადიმერ პუტინი, ოკუპირებულ აფხაზეთში ჩასვლას გეგმავს. ამის შესახებ რუსული მედია წერს.

როგორც სააგენტო „რბკ"-ს აფხაზური და რუსული წყაროებიდან განუცხადეს, ვიზიტი 8 აგვისტოსთვის იგეგმება.

რუსეთის პრეზიდენტის პრესმდივნის, დიმიტრი პესკოვის განცხადებით, დიპლომატები ვიზიტის დეტალებს აზუსტებენ.ვლადიმერ პუტინი სოხუმში ოკუპირებული რეჟიმის ე.წ. ხელმძღვანელ რაულ ხაჯიმბას შეხვდება. ბოლოს პუტინი აფხაზეთში 2013 წელს იმყოფებოდა.