(რეზონანსი) რამდენიმე დღეა, რაც თბილისში ავტობუსების გაჩერებასთან დამონტაჟებული ტაბლოები აღარ მუშაობს.

თბილისის სატრანსპორტო კომპანიაში აცხადებენ, რომ ყველა ტაბლო მწყობრიდან გამოვიდა და რამდენიმე დღეში აღადგენენ. თუმცა, ზუსტი დრო არ სახელდება.

„ტექნიკური ხარვეზი გვაქვს და შესაბამისი სამსახურები უკვე მუშაობენ ამ საკითხის მოსაგვარებლად, ასე რომ, უახლოეს დღეებში მოიხსნება ეს პრობლემა ქალაქში", - ამბობენ თბილისის სატრანსპორტო კომპანიის პრესსამსახურში.