(რეზონანსი) ოკუპირებული აფხაზეთის დე ფაქტო პროკურატურამ 2017 წლიდან დღემდე გაცემული ე.წ. აფხაზური პასპორტები შეამოწმა. დე ფაქტო უწყების ინფორმაციით, გამოვლენილია ე.წ. შესაბამისი კანონმდებლობის მრავალრიცხოვანი დარღვევა, რომელიც ჩაწერის ადგილს ეხება. ამის შესახებ ინფორმაციას საზოგადოებრივი მაუწყებელი ავრცელებს.

დე ფაქტო უწყების განცხადებით, ე.წ. პასპორტის აღების მსურველთა მიერ წარდგენილი „დოკუმენტაციიდან" სათანადოდ არ იყო გადამოწმებული ცნობები საცხოვრებელი ადგილის შესახებ. დე ფაქტო გენერალური პროკურატურა დარღვევებში ე.წ. საპასპორტო სამსახურებს და რაიონებში „ჩაწერის საკითხებში საგანგებო კომისიებს" ადანაშაულებს.

აღნიშნული ფაქტები სოფლების რაიონულ „ადმინისტრაციებს" უკვე გადაეცა და შემთხვევების გამოძიება დაიწყო.

დე ფაქტო შს უწყების მონაცემებით, 2017 წლის პირველ ნახევარში გაიცა 18 922 ე.წ. ნაციონალური პასპორტი და 715 ე.წ. საზღვარგარეთის პასპორტი.