(რეზონანსი) GEM Fest-იდან ზუგდიდის რეფერალურ ჰოსპიტალში კიდევ 5 ახალგაზრდა გადაიყვანეს.

მათგან 2-ს დაუზუსტებელი სუბსტანციის და ნივთიერების ტოქსიკური ეფექტის დიაგნოზი დაუსვეს, თუმცა მათი მდგომარეობა მალევე გაუმჯობესდა და გაწერეს. 3-ს კი, სხვა სიმპტომები აღენიშნება.

ამ დრომდე ექიმების მეთვალყურეობის ქვეშ რჩება გოგო, რომელიც საავადმყოფოში გუშინ გამთენიისას მოათავსეს, ასევე დაუზუსტებელი ნივთიერების ტოქსიკური ეფექტის დიაგნოზით. თუმცა მას დღეს გაწერენ.

4 აგვისტოს კი GEM Fest-ში მონაწილე 22 წლის გოგონა გარდაიცვალა.