(რეზონანსი) შსს-მ განმუხურში, სადაც „ჯემ ფესტი" მიმდინარეობს, ნარკოდანაშაულისთვის კიდევ ერთი პირი დააკავა.
როგორც შსს-ში ამბობენ, სამეგრელო-ზემო სვანეთის პოლიციის დეპარტამენტის და ცენტრალური კრიმინალური პოლიციის დეპარტამენტის თანამშრომლებმა, 1995 წელს დაბადებული ბ.კ. დააკავა.
სამართალდამცველებმა, დაკავებულის პირადი ჩხრეკისას, ნივთმტკიცებად ნარკოტიკული საშუალების შემცველი 2 ფირფიტა 28 დანაყოფით ამოიღეს, რომელზეც შესაბამისი ექსპერტიზაა დანიშნული.
ნარკოლოგიური შემოწმების შედეგად, ბ.კ.-ს მარიხუანის, ამფეტამინის, მეტამფეტამინის და „მდმა"-ს მოხმარების ფაქტი დაუდგინდა.
გამოძიება ნარკოტიკული საშუალების უკანონო შეძენა-შენახვის ფაქტზე საქართველოს სსკ-ს 260-ე მუხლის 1-ლი ნაწილით მიმდინარეობს.