(რეზონანსი) თბილისის მერიის გამწვანების საქალაქო სამსახურის უფროსის, გოგა წერეთლის განცხადებით, მთაწმინდის დამწვარ ფერდობზე რა სამუშაოები იქნება ჩასატარებელი, ეს მას შემდეგ გახდება ცნობილი, რაც სპეციალისტები დამწვარი ტერიტორიის შესწავლას დაასრულებენ.

მისი თქმით, სპეციალისტები აღნიშნულ ტერიტორიაზე უკვე იმყოფებიან და ტერიტორიის შესწავლა მიმდინარეობს. წერეთლის განვცახებით, ძირითადად ბუჩქები და ბალახებია დამწვარი.

"2 ჰექტრამდე მიწის ფართობია დამწვარი. ჩვენი სპეციალისტების მიერ ტერიტორიის დათვალიერება და შესწავლა მიმდინარეობს. პირველადი მონაცემებით, ცეცხლი ძირითადად ბალახებსა და ბუჩქებზე გავრცელდა. მთელი დღის განმავლობაში გაგრძელდება ტერიტორიის აღწერა. ამის შემდეგ განისაზღვრება, თუ რა სამუშაოები იქნება ჩასატარებელი. დავამუშავებთ გეგმას და მივიღებთ შესაბამის ზომებს", - განაცხადა წერეთელმა.