(რეზონანსი) მესტიაში, ბანგურიანის მთაზე ტყის მასივი იწვის. როგორც საგანგებო სიტუაციების მართვის სამსახურში აცხადებენ, მათთან შეტყობინება შევიდა და ადგილზე უკვე სახანძრო-სამაშველო სამსახურები გასული არიან.

მესტიის გამგებელი კახა ჟორჟოლიანი ამბობს, რომ ხანძარი დაახლოებით 400-500 კვ მეტრ ფართობზეა გავრცელებული. მისივე თქმით, საზაზღვრო პოლიცია, სამაშველო სამსახური, მოსახლეობა მობილიზებულები არიან და ხანძრის ადგილისკენ მიემართებიან.