თბილისის მერობისთვის ბრძოლაში მომავალი კვირიდან, სავარაუდოდ, კიდევ რამდენიმე კანდიდატი ჩაერთვება. ორშაბათს "პატრიოტთა ალიანსი" დაასახელებს თავის კანდიდატურას და, სავარაუდოდ, ეს ირმა ინაშვილი იქნება. გარდა ამისა, საკუთარი კანდიდატურის წარდგენას ნინო ბურჯანაძის "დემოკრატიული მოძრაობაც" აპირებს. არაოფიციალური ინფორმაციით, "დემოკრატიული მოძრაობის" თბილისის მერობის კანდიდატი, სავარაუდოდ, დიმიტრი ლორთქიფანიძე იქნება, თბილისის საკრებულოს თავმჯდომარეობის კი - კახა კუკავა. თუმცა თავად ლორთქიფანიძე ამ ინფორმაციას უარყოფს და აცხადებს, რომ საბოლოო გადაწყვეტილება ჯერ მიღებული არ არის.