(რეზონანსი) საბერძნეთში უკვე სამი დღეა ტყის ხანძრებს ებრძვიან.ცეცხლი ერთდროულად ქვეყნის რამდენიმე რეგიონში მძვინვარებს. ათენის მახლობლად მდებარე ქალაქ კალამოსში დამწვარია 20-მდე საცხოვრებელი სახლი, რის გამოც ადგილობრივები იძულებული გახდნენ, რეგიონი დაეტოვებინათ.

საშიში ზონიდან ევაკუირებულია ასობით ადამიანი. ევაკუაცია განხორცილდა ბავშვთა საზაფხულო ბანაკებიდანაც. საბერძნეთის ხელისუფლება ცეცხლის განზრახ გაჩენას არ გამორიცხავს.

დღეს გავრცელდა ინფორმაცია,რომ საბერძნეთში ტყის ხანძრები ათენს უახლოვდება. ცეცხლი დედაქალაქიდან 40 კილომეტრის დაშორებით მდებარე ფიჭვის ტყეში გაჩნდა, თუმცა მიზეზი უცნობია.

დაშავებულების შესახებ ინფორმაცია არ გავრცელებულა. სამაშველო ოპერაციაში სახანძრო ბრიგადებთან ერთად, ავიაციაცაა ჩართული.