(რეზონანსი) 11 და 14 აგვისტოს, საბაჟო გამშვებ პუნქტებში „ ბათუმის აეროპორტი" და „ქუთაისის აეროპორტი" ფსიქოტროპული მედიკამენტები ამოიღეს.

ფინანსთა სამინისტროს შემოსავლების სამსახურის მებაჟე ოფიცრებმა, თელავივი-ბათუმის რეისის მგზავრის, ისრაელის მოქალაქის ვ.ვ.დ-სა და ლონდონი-ქუთაისის რეისის მგზავრის, დიდი ბრიტანეთის მოქალაქის, ფ.ა-ს ბარგის დათვალიერებისას, ნარკოტიკული და ფსიქოტროპული ნივთიერებების შემცველი მედიკამენტები, მათ შორის: კო-კოდამოლი, ასივატი, სტილნოქსი და ტრამადექსი (124 აბი) აღმოაჩინეს.

საქმის მასალები შინაგან საქმეთა სამინისტროს გადაეცა.