(რეზონანსი) საბაჟო-გამშვები პუნქტი „ყაზბეგი" მუშაობას დროებით წყვეტს. ფინანსთა სამინისტროს შემოსავლების სამსახურის ინფორმაციით, რთული მეტეოროლოგიური პირობების გამო, საგანგებო სიტუაცია გამოცხადდა და საბაჟო-გამშვები პუნქტი დაიხურა.

„შექმნილი საგანგებო სიტუაციის გამო, პრობლემის აღმოფხვრამდე, საბაჟო გამშვები პუნქტი „ყაზბეგი" დროებით წყვეტს მუშაობას. ფინანსთა სამინისტროს შემოსავლების სამსახურის საბაჟო გამშვებ პუნქტში „ყაზბეგი", თანამშრომლებისა და ხალხის ევაკუაცია განხორციელდა," - აღნიშნულია უწყების მიერ გავრცელებულ განცხადებაში.