(რეზონანსი) მდინარე ენგურისა და რიონის აუზის მყინვარებს უსაფრთხოების მიზნით შეისწავლიან. გარემოს ეროვნული სააგენტოსა და ივანე ჯავახიშვილის სახელობის თბილისის სახელმწიფო უნივერსიტეტის თანამშრომლობით, უპილოტო საფრენი აპარატის გამოყენებით, მყინვარების მონიტორინგი დაიწყო.

გარემოს ეროვნული სააგენტოს ინფორმაციით, სპეციალისტები და უნივერსიტეტის მეცნიერები შეისწავლიან ვითარებას და ბუნებრივი კატასტროფების საფრთხეს შეაფასებენ.

მეცნიერების თქმით, კვლევისას მყინვარის ენების და პერიგლაციალური ზონის მაღალი ხარისხის ორთოფოტოებსაც მოამზადებენ.